يوميات منخوق افندى ومخنوقه هانم
بسم الله الرحمن الرحيم
نبتدى اولى حلقات المسلسل المصرى الشهير
(المخنوقون فى الارض) 
وابطال مسلسلنا المعروف حسب الظهور
مخنوق افندى ابوكتير
مخنوقه هانم الارندلى
مخنوق منه
حرم مخنوق منهويتوالى الابطال حسب الادوار
الحلقه الاولى 
مخنوق افندى وحرمه مخنوقه هانم فى طريقهم لزياره صديقه البشمهندس مخنوق منهمخنوق افندى:اركبى ماهو انا السواق الى ابوكى اشتراه من السوبر ماركت
مخنوقه هانم:حد كان غصبك وضربك على ايدك وقالك اتجوزنى
مخنوق افندى :هووووووف الله اما طولك يا روح
مخنوقه هانم:دى خروجه نحس من اولها
مخنوقه هانم:ماتشغلنا حاجه نتنيل نسمعها بدل ما انت ساكت كده
مخنوق افندى:تحت امرك يا بت الارندلى
مخنوقه هانم:ايه انت بتشتمنى ولا ايه؟
مخنوق افندى:وانا اقدر كنتى دبحتينى انا باتشرف بانى انطق اسم اهلك
مخنوقه هانم:هو اصلا كان يوم مهبب يوم ما جيت وطلبت ايدى
مخنوق افندى:ياريت كان لسانى انقطع
مخنوقه هانم:خلصنا خلى اليوم يعدى على خير
مخنوق افندى:على خير ولا على شر كله بيعدى
نزلوا من العربيه وطلعوا شقه صديقهمخنوق افندى:اتخرى شويه ايه انت لازقه كده علطول مفيش زفت مكان اتنيل اروحه الا اما تكونى طابقه على نفسى
مخنوقه هانمبصوت واطى)حد كان جه جنبك _حاضر يا حبيبى
مخنوق منه:اهلا اهلا ازيك يا مخنوق يا اخويا وازيك يا مدام مخنوقه؟
مخنوق افندى:الحمدلله كويسين
جت مدام مخنوق منه وجابت الشاى وقدمته وقعدت جنب مخنوقه هانممخنوق افندى:تسلم الايادى يا مدام
مخنوقه هانم:ميرسى يا حبيبتى...شفتى امبارح امينه شلبايه على دريم 1 وهى بتعرض فساتين السهر جنااااااااان تحفه تحفه بجد مخنوق اما شافهم كان مصمم يشتريلى على الاقل 3 بس انا مرضتش قلت لا انا عندى كتير مش ضرورى
مدام مخنوق منه:اه طبعا شفتها(يا كداااااااااااااااابه)
ومخنوق منه معجبهوش اوى بس وعدنى يا خدنى اتيليه انقى الى يعجبنى
مخنوقه هانم:اه عنده حق برضه(ناس عايشه)
مخنوق منه:وانت عامل ايه يا مخنوق يا اخويا
مخنوق افندى:يييييييييييييي زى الزفت ما انت شايف لازقالى فى كل حته اروحها وباجى من الشغل اكل وانزل شغل تانى واجى انام وهكذا ووشى فى وشها علطوووووووووول
مخنوق منه:ما تيجى معايا رحله شرم تفوقلك يوم وتشوف ناس جديده
مخنوق افندى:بخت يا اخويا والهانم اوديها فييييييييييييييييييين؟
مخنوق منه:قولها رايح رحله عمل ومحدش واخد مراته معاه
مخنوق افندى:ايييييييييييييييييوه وادخل فى سين وصاد وتبقى حكايه لا ياعم انا فى غنى عن الصداع ده مش كفايه صداع كل يوم
مخنوق منه:انا هستناك حاول انت بس
مخنوق افندى:هاحاول ادعيلى انت
سلموا ونزلوا 
مخنوق افندى:اركبى يا هانم
مخنوقه هانم:بالراحه متزوقش
مخنوق افندى:تحت امر سيادك يا مدام هوووووووووف
مخنوقه هانم:بالراحه على نفسك يا اخويا ليطقلك عرق
مخنوق افندى:بصى اسكتى احسن علشان منعملش حادثه بالعربيه لمى الدور
مخنوقه هانم:عربيه ايه يا ابو عربيه دى الكارو انضف منها بلا وكسه انت مشفتش عربيه صاحبك قال رضينا بالهم والهم مش راضى بينا
مخنوق افندى:طيب اسكتى يا مخنوقه احسن ما اخنقك وارتاح
مخنوقه هانمروح يا شيخ اخنق نفسك وريحنى بلا هم هوووووف ايه ده)
مخنوق افندى:انتى بتبرطمى تقولى ايه
مخنوقه هانم:انا اتكلمت ما اانا اتكتمت اهوه
الرئيسية 
التسجيل 
دخول 
الثلاثاء أبريل 24, 2007 7:22 pm